Зынаргъ хæлæрттæ!
Абон, 15 октябры æппæт ирон адæм нысан кæнынц ирон литературæйы бындурæвæрæг, поэт, нывгæнæг, рухстауæг, публицист, ирон адæмы æнувыд фырт Хетæгкаты Къостайы райгуырды 167 азы бон. Къостайы сфæлдыстад, йæ поэтикон æмæ монон бынтæй нæ адæм абоны онг сты сæрыстыр, сты фæлтæртæ чи иу кæны, ахæм национ культурæйы хæзнадон. Йæ уацмыстæ нæ ахуыр кæнынц нæ мадæлон æвзаг уарзыныл, нæ историйæн, нæ фыдæлты традицитæ æмæ æгъдæуттæн аргъ кæныныл. Йæ поэтикон æмбырдгонд «Ирон фæндыр» ахсы сæрмагонд бынат нæ культурæйы, æвдыст дзы цæуы йæ уарзондзинад йæ райгуырæн Ирыстонмæ, йæ ахаст адæймагдзинадмæ, сæрибардзинад æмæ рæстдзинады миниуджытæм. Хетæгкаты Къостайы ном зынаргъ у алы иронæн дæр, йæ райгуырæн бæстæ, йæ мадæлон æвзаг, йæ культурæ, йæ историйæн чи аргъ кæны æмæ чи уарзы, æппæт уыдонæн. Къостайы стыр бынтæ, кæцытæ систы национ культурæйы бындур, абон дæр сты рухс фидæнмæ разæнгардгæнæг, сты куырыхондзинады æнæфæцудгæ ратæдзæн æмæ удварны тых.
Ацы нысаниуæгджын бон уын мæ зæрдæ зæгъы фидар æнæниздзинад, сабырдзинад, фæрныгад, æнтыстытæ. Фыдыбæстæйы хæрзиуæгæн уе ‘ппæт хъуыддæгты дæр уæт бæллиццаг фæстиуæг.
Республикæ Хуссар Ирыстоны Парламенты Сæрдар Мæргъиты А.Т.